د “بابای ملت غوره ليګ جام” په نوم د کرکټ د ولايتي سياليو په ترڅ کې تېره ورځ د ننګرهار ولايتي لوبډلې په دويمه نيمه پايلوبه كې لغمان ته په ماتې وركولو سره د دې سياليو پايلوبې ته لاره پيدا كړه.
د “بابای ملت غوره ليګ جام” په نوم د کرکټ د ولايتي سياليو په ترڅ کې تېره ورځ د ننګرهار ولايتي لوبډلې په دويمه نيمه پايلوبه كې لغمان ته په ماتې وركولو سره د دې سياليو پايلوبې ته لاره پيدا كړه.
د دې لوبې پچه د لغمان لوبډلې وګټله او په ټاكل شويو ۴۵ اورونو كې يې د شپږو لوبغاړو په سوځېدو سيالې لوبډلې ته ۲۶۷ منډې هدف وركړ.
د ننګرهار لوبډلې ياد هدف د لوبې په پنځه څلوېښتم اوور كې د اوو لوبغاړو په سوځېدو سره پوره كړ او پايلوبې ته يې لاره پيدا كړه.
د ننګرهار لوبډله به د راتلونكې سه شنبې په ورځ په پايلوبه كې د پكتيا له لوبډلې سره د لوبې ډګر ته ووځي.
د “بابای ملت غوره ليګ جام” په نوم د کرکټ ولايتي سياليو د هېواد د ١٢ ولايتونو لوبډلې برخه اخيستې وه، چې اوس يې دوه لوبډلې پايلوبې ته وتلې دي.
کلید ګروپ په ټویټر او فیسبوک کې وګورئ
