رپوټونه وايي، د سوريې او ترکيې ترمنځ پولې سره نږدې په يوه موټر بم بريد کې لږ تر لږه ۴۳ تنه وژل شوي دي. په بريتانيا کې مېشتې د سوريې د بشري حقونو د څار ډلې ويلي، چې په وژل شويو كسانو کې پنځه ښځې او ۳ ماشومان هم شامل دي.
رپوټونه وايي، د سوريې او ترکيې ترمنځ پولې سره نږدې په يوه موټر بم بريد کې لږ تر لږه ۴۳ تنه وژل شوي دي.
په بريتانيا کې مېشتې د سوريې د بشري حقونو د څار ډلې ويلي، چې په وژل شويو كسانو کې پنځه ښځې او ۳ ماشومان هم شامل دي.
دغه بريد د حلب ښار په شمال کې د ترکيې پولې سره نږدې سيمې کې شوی او د سوريې د بشري حقونو د څار ډله وايي، چاودنه په هغه ځای کې شوې، چې خلک له سوريې بلې غاړې ته اوړي.
دوی وايي، دا لا روښانه، نه ده، چې دغه بريد ځانمرګی و، کنه؟
تركي چارواكي وايي، د پېښې ۴۸ ټپيان د درملنې لپاره له پولې د ترکيې خاورې ته وروړل شوي، چې يوولسو يې وروسته د ور اوښتو ټپونو له كبله ساه وركړه.
کلید ګروپ په ټویټر او فیسبوک کې وګورئ
