لويديزو هېوادونو او ناټو له اوکراين څخه جلاشوې او له روسيې سره يوځاى شوې سيمې کريميا ته د روسيې د جمهور رئيس ولاديمير پوتين پر سفر توند غبرګونونه ښودلي دي.
لويديزو هېوادونو او ناټو له اوکراين څخه جلاشوې او له روسيې سره يوځاى شوې سيمې کريميا ته د روسيې د جمهور رئيس ولاديمير پوتين پر سفر توند غبرګونونه ښودلي دي.
د امريکا د بهرنيو چارو وزارت وياندې جين ساکي په سويستاپول ښار کې په دويمه نړيواله جګړه کې د شوروي اتحاد د بري جشن لمانځلو په مراسمو کې د پوتين ګډون، پاروونکى او غير اړين وباله.
د ناټو سرمنشي انډرس فوګ راسموسن ويلي، چې دوى کريميا د روسيې د يوې برخې په توګه په رسميت نه پېژني.
د اروپا د بهرنۍ پاليسۍ مشرې کاترين اشټن په يوه بيان كې ويلي، دا ورځ د دويمې نړيوالې جګړې د زيات شمېر قربانيانو د وياړ ورځ ده او بايد د کريميا غيرقانوني يوځاى کول په کې ښکاره نه شي.
د روسيې جمهوررئيس ويلاديمير پوتين پرون د خپلو خبرو په ترڅ كې له وسله والو ځواکونو څخه د جګړې ګټلو په بدل کې مننه وکړه او له روسيې سره د کريميا ورګډېدل يې وستايل.
له روسيې سره د کريميا د يو ځاى کېدو مسئلې د لوېديځ او روسيې اړيکې ترينګلې کړې دي.
کلید ګروپ په ټویټر او فیسبوک کې وګورئ
