نامعلومو وسله والو نن سهار د پېښور – تورخم پر لويه لار د خيبر ايجنسۍ په وزير ډنډ سيمه کې په افغانستان کې د مېشتو بهرنيو ځواکونو پر اکمالاتي کاروان بريد كړى، چې له كبله يې دوه تنه وژل شوي او درې نور ټپيان دي.
نامعلومو وسله والو نن سهار د پېښور – تورخم پر لويه لار د خيبر ايجنسۍ په وزير ډنډ سيمه کې په افغانستان کې د مېشتو بهرنيو ځواکونو پر اکمالاتي کاروان بريد كړى، چې له كبله يې دوه تنه وژل شوي او درې نور ټپيان دي.
د خيبر اېجنسۍ امنيتي چارواكي وايي، د بريد له كبله د ناټو دريو موټرو اور هم اخيستى دى.
د رپوټونو له مخې، دواړه وژل شوي كسان موټر چلوونكي دي.
تر بريد وروسته د پېښور – تورخم لويه لاره نژدې ٢ ساعته د مسافرو پرمخ تړل شوې وه، چې بيا وروسته بېرته پرانېستل شوه.
د پېښور – تورخم پر لويه لار له دې مخكې هم په افغانستان کې د مېشتو بهرنيو ځواکونو پر اكمالاتي كاروانونو بريدونه شوي دي.
کلید ګروپ په ټویټر او فیسبوک کې وګورئ
