د لغمان په قرغیو ولسوالې کې د چهارباغ کانال پروژې چارې بشپړې او د ځايي چارواکو لخوا ګټې اخیستنې ته وسپارل شو. چارواکي وایي په دې پروژې شاوخوا پنځه ویشت میليونه افغانۍ لګښت راغلى، چې د اوبو او برېښنا وزارت له لورې ورکړل شوى.
د لغمان په قرغیو ولسوالې کې د چهارباغ کانال پروژې چارې بشپړې او د ځايي چارواکو لخوا ګټې اخیستنې ته وسپارل شو.
چارواکي وایي په دې پروژې شاوخوا پنځه ویشت میليونه افغانۍ لګښت راغلى، چې د اوبو او برېښنا وزارت له لورې ورکړل شوى.
د کانال او سربند دغه پروژه د قرغیو ولسوالۍ اړوند د تره خېلو له سیمې پیل او تر چهارباغ پورې دوام کوي.
د لغمان د والي ویاند سرحدي ځواک کلید ته وویل، کانال ټول ۱۴ کیلو متره اوږدوالی او ۵ متره سور لري چې د اوبو او برېښنا وزارت د پنځه ویشت اعشاریه څلور میلیونه افغانیو په مالي لګښت جوړ شوى.
هغه وویل د دې پروژې د جوړېدو چارې د ۱۴ میاشتو په موده کې بشپړې شوي.
د والی ویاند وویل، د دغه کانال په جوړېدو سره لس زره جریبه کرنیزه ځمکه خړوبه او شاو خوا شل زره کورنۍ یې له ګټې برخمنې شوې.
د یو بل خبرله مخې د لغمان اړو خلکو سره د یو نیم میلیون افغانیو په ارزښت بېلا بېلو خوراکي او د کور او وړې سوداګرۍ لپاره د اړتیا وړ توکو مرسته ترسره شوه.
چارواکي وایي یاده مرسته د ای ار ډی په مالي مرسته د لغمان د کار، ټولنیزو، شهیدانو او معلولینو چارو ریاست په هلو ځلو د الینګار ولسوالۍ د سنګره درې د هغو شپږو کورنیو په استازو ووېشل شوه چې د ایساف ځواکونو په عملیاتو کې يې د کورنۍ غړي شهیدان او یا ټپیان شوي وو.
کلید ګروپ په ټویټر او فیسبوک کې وګورئ
