د پاکستان په پايتخت اسلام اباد کې د يوې زورورې چاودنې له كبله لسګونو کسانو ته مرګ ژوبله اوښتې ده. دا چاودنه نن سهار شاوخوا اته نيمې بجې د اسلام اباد اېچ يوولس سكټور سيمه کې د سبزيو په منډيي کې شوې ده.
د پاکستان په پايتخت اسلام اباد کې د يوې زورورې چاودنې له كبله لسګونو کسانو ته مرګ ژوبله اوښتې ده.
دا چاودنه نن سهار شاوخوا اته نيمې بجې د اسلام اباد اېچ يوولس سكټور سيمه کې د سبزيو په منډيي کې شوې ده.
پوليس وايي، په دې چاودنه كې ۱۹ تنه وژل شوي او لږ تر لږه ۴۰ تنه ټپيان دي، خو د پمز په نوم د يوه روغتون وياند ډاكټر جاوېد اكرم رسنيو ته ويلي، چې په دې پېښه كې ۲۳ تنه وژل شوي دي.
پوليسو ويلي، چاودېدونکي توکي د مېوو په يوه كارتن چې ځای پرځای شوي وو.
عيني شاهدان وايي، چاودنه د منډيي په منځ کې په داسې حال کې شوې، چې د خلکو ګڼه ګوڼه زياته وه.
دا چاودنه په داسې حال كې شوې، چې پاكستاني طالبانو له حكومت سره شوى يو مياشتنى اوربند د لسو نورو ورځو لپاره غځولى، چې سبا يې وروستۍ ورځ ده.
کلید ګروپ په ټویټر او فیسبوک کې وګورئ
