د پاکستان د بهرنيو چارو وزارت د افغان حكومت هغه تورونه رد کړي، چې ګوندې دا هېواد په افغانستان کې په وروستيو تروريستي بريدونه کې لاس لري. د پاکستان د بهرنيو چارو وزارت لخوا د دوشنبې په ورځ په خپرې شوې خبرپاڼه کې راغلي، چې د افغان حكومت لخوا په دې هېواد کې په وروستيو تروريستي
د پاکستان د بهرنيو چارو وزارت د افغان حكومت هغه تورونه رد کړي، چې ګوندې دا هېواد په افغانستان کې په وروستيو تروريستي بريدونه کې لاس لري.
د پاکستان د بهرنيو چارو وزارت لخوا د دوشنبې په ورځ په خپرې شوې خبرپاڼه کې راغلي، چې د افغان حكومت لخوا په دې هېواد کې په وروستيو تروريستي پېښو کې د پاکستان لاس بلل د افسوس وړ ده.
د پاکستان د بهرنيو چارو وزارت دا څرګندونې په داسې وخت کې کوي، چې پرون د افغانستان د بهرنيو چارو وزارت د پاکستان له خاورې د افغانستان پر سرحدي امنيتي پوستو د بريدونو د ډېرېدو په غبرګون کې د نوموړي هېواد سفير دې وزارت ته ور وغوښت او د وروستيو بريدونو په اړه يې ورته اعتراض وکړ.
په افغانستان کې په داسې وخت کې په تروريستي پېښو کې ډېروالى راغلى، چې راتلونكې اونۍ د جمهوري رياست او ولايتي شوراګانو ټاكنې ترسره كېږي.
د پاکستان د بهرنيو چارو وزارت وياندې تسنيم اسلم ويلي، چې هېواد يې په افغانستان کې د رڼو او د جمهوري رياست د خپلواکو ټاکنو غوښتونکى دى.
کلید ګروپ په ټویټر او فیسبوک کې وګورئ
