د پاكستان د بلوچستان ايالت په پسني سيمه كې يوه ډله وسله والو پر نصب شوي رادار بريد کړى، يو امنيتي سرتېرى يې وژلى او يو بل يې ټپي كړى دى.
چارواكي وايي، د شنبې په ماښام په پسني سيمه کې هوايي ډګر ته نژدې وسله وال د يوه نصب شوي راډار ودانۍ ته ور ننوتل او هلته په امنيت ګومارل
د پاكستان د بلوچستان ايالت په پسني سيمه كې يوه ډله وسله والو پر نصب شوي رادار بريد کړى، يو امنيتي سرتېرى يې وژلى او يو بل يې ټپي كړى دى.
چارواكي وايي، د شنبې په ماښام په پسني سيمه کې هوايي ډګر ته نژدې وسله وال د يوه نصب شوي راډار ودانۍ ته ور ننوتل او هلته په امنيت ګومارل شوي پوليس يې يرغمل کړل.
د ګوادر سيمې پوليس وايي، شاوخوا شل تنه وسله والو د رادار په ودانۍ کې يو پوليس وواژه او يو بل يې ټپي كړ.
د دوى په وينا، وسله والو اووه نور سيمه ييز پوليس يرغمل کړي وو، خو ژر د پېښې ځاى ته نور ګڼ پوليس ور ولېږل شول او وسله وال وتښتېدل.
د دې بريد مسووليت تر اوسه کومې وسله والې ډلې نه دى منلى.
پرون غرمه د بلوچستان ايالت په مركز كويټه كې د ملېشه ځواكونو پر موټر د چاودنې له كبله يوه ماشومه وژل شوې او اتلس تنه ټپيان شوي وو.
کلید ګروپ په ټویټر او فیسبوک کې وګورئ
