په عراق کې پرون د موټر بم ځانمرګي بريد له كبله ۴۲ تنه وژل شوي او ۱۵۰ نور ټپيان دي. عراقي چارواکي وايي، چې بريد كوونكي په الحله ښار کې په چاودېدونکو توكو بار موټر د تلاشۍ په يوه پوسته کې والوځاوه.
په عراق کې پرون د موټر بم ځانمرګي بريد له كبله ۴۲ تنه وژل شوي او ۱۵۰ نور ټپيان دي.
عراقي چارواکي وايي، چې بريد كوونكي په الحله ښار کې په چاودېدونکو توكو بار موټر د تلاشۍ په يوه پوسته کې والوځاوه.
رويټرز خبري آژانس د پوليسو د يو افسر له قوله ليکي، چې وايي، د دې موټر لږترلږه پنځوسو مسافرو اور واخيست او د دې مرکز يوه برخه ويجاړه شوه.
د ملګروملتونو د اټکل له مخې، په تېر ۲۰۱۳ کال کې په عراق کې د تاوتريخوالي په پېښو کې څه باندې اته زره او اته سوه کسان وژل شوي دي.
کلید ګروپ په ټویټر او فیسبوک کې وګورئ
