د پاكستان د خيبر پښتونخوا ايالت په هنګو سيمه كې نن سهار د پاکستاني سرتېرو پر موټر د سړك غاړې بمي چاودنه شوې، چې له كبله ١٤ سرتېرو ته مرګ ژوبله اوښتې ده.
د پاكستان د خيبر پښتونخوا ايالت په هنګو سيمه كې نن سهار د پاکستاني سرتېرو پر موټر د سړك غاړې بمي چاودنه شوې، چې له كبله ١٤ سرتېرو ته مرګ ژوبله اوښتې ده.
رپوټونه وايي، په دې پېښه كې ٣ سرتېري وژل شوي او ١١ نور ټپيان دي.
چارواكي وايي، پېښه هغه مهال رامنځته شوه، چې د سرتېرو کاروان د هنګو له ورمګۍ نومې سيمې څخه د تېرېدو په حال کې و.
په هنګو کې د پاکستاني سرتېرو پر موټر په داسې حال کې بمي چاودنه شوې، چې پاکستاني وسله والو طالبانو د دې هېواد له حکومت سره يو مياشتنى اوربند اعلان کړى او خپل ټول فعاليتونه يې لغوه اعلان کړي دي.
د دې پېښې مسووليت تراوسه چا پرغاړه نه دى اخيستى، خو وړمه ورځ په اسلام اباد كې پر يوې مخكې د ډله ييز ځانمرګي بريد مسووليت، چې ترڅ كې ۱۱ تنه ووژل شول او تر شلو ډېر ټپيان شول، د احرارالهند په نوم يوې وسله والې ډلې پرغاړه اخيستى و.
کلید ګروپ په ټویټر او فیسبوک کې وګورئ
