پاکستان د افغانستان د ملي امنيت د سلاکار هغه څرګندونې په كلكه رد كړي، چې ويلې وو، پاكستان لاهم په افغانستان كې سوله نه غواړي او د دې هېواد په چارو كې لاس وهنه كوي.
پاکستان د افغانستان د ملي امنيت د سلاکار هغه څرګندونې په كلكه رد كړي، چې ويلې وو، پاكستان لاهم په افغانستان كې سوله نه غواړي او د دې هېواد په چارو كې لاس وهنه كوي.
تېره پنجشنبه د افغانستان د ملي امنيت سلاكار ډاكټر رنګين دادفر سپنتا د خپل پاكستاني سيال هغه څرګندونې د افغانستان په چارو كې ښكاره لاس وهنه وبلله چې ويلې يې وو، طالبان ښايي د افغانستان له راتلونكي حكومت سره د سولې خبرې پيل كړي.
ډاكټر سپنتا وويل، پاكستاني چارواكي هڅه كوي په پاكستان كې جګړه ختمه كړي، خو په افغانستان كې يې د ځنډولو هيله لري.
د پاكستان د بهرنيو چارو وزارت د ډاکټر سپنتا د وروستيو څرګندونو په ځواب کې په خپره شوې يوه خبرپاڼه كې ويلي، چې دوى تل د افغانستان د سولې له پروسې سره همکاري کړې او اسانتياوې يې برابرې کړې دي.
خبرپاڼې زياته كړې چې، دوى په خپله د ترهګرۍ ښکار دي او له دې پديدې سره په مبارزه کې د نړيوالې ټولنې په سر کې ځاى لري.
کلید ګروپ په ټویټر او فیسبوک کې وګورئ
