امريكا وايي د افغانستان د سړكونو د ترميم لپاره له دې كبله پيسې نه وركوي چې افغان حكومت د سړكونو د ساتنې او څار ظرفيت نه لري. واشنګټن پورست ورځپاڼې د امريكايي چارواكو له قوله ويلي، چې د دوى لپاره دا سخته ده چې د افغان لوري لخوا د څه نه کېدو په صورت کې د سرکونو د
امريكا وايي د افغانستان د سړكونو د ترميم لپاره له دې كبله پيسې نه وركوي چې افغان حكومت د سړكونو د ساتنې او څار ظرفيت نه لري.
واشنګټن پورست ورځپاڼې د امريكايي چارواكو له قوله ويلي، چې د دوى لپاره دا سخته ده چې د افغان لوري لخوا د څه نه کېدو په صورت کې د سرکونو د ترميم لپاره له خپلو مشرانو نوره بوديجه ترلاسه کړي.
بلخوا بيا د افغانستان د فوايد عامې و زارت دا ردوي او وايي، چې د لويو لارو د خرابوالي او نه ترميم زيات مسوليت د متحده ايالاتو د پراختيا ادارې يو اېس آى ډي پر غاړه دى.
ياد وزارت زياتوي، چې د امريکا نړيوالې پراختيايي ادارې زيات سرکونه په خپل سر جوړ کړي، بهرنيو شرکتونو سره يې د دوى له خبرولو پرته قراردادونه کړي او د فوايد عامې وزارت د پرسونل د ظرفيتونو د لوړولو لپاره يې هم هېڅ اقدام نه دى کړى.
د سرکونو او لويو لارو د خرابوالى يو بل اصلي سبب د دولت د وسله والو مخالفانو لخوا د سړک د غاړې ماينونه هم ګڼل كېږي، چې په اکثرو چاودونو کې سرکونه کنډ او کپر او لوې کندې پکې رامنځته کېږي.
کلید ګروپ په ټویټر او فیسبوک کې وګورئ
