په افغانستان کې د امريکا اوږده جګړه نوره پاى ته رسېږي او د امنيتي تړون تر لاسليک وروسته به ډېر لږ شمېر سرتيري په دغه هېواد کې پاتې شي. دغه څرګندونې نن سهار د امريكا جمهور رييس بارك اوباما د امريکا ولس او کانګرېس ته په خپلې کلنۍ وينا کې وکړې.
په افغانستان کې د امريکا اوږده جګړه نوره پاى ته رسېږي او د امنيتي تړون تر لاسليک وروسته به ډېر لږ شمېر سرتيري په دغه هېواد کې پاتې شي.
دغه څرګندونې نن سهار د امريكا جمهور رييس بارك اوباما د امريکا ولس او کانګرېس ته په خپلې کلنۍ وينا کې وکړې.
هغه زياته کړه، چې دى حاضر دى تر ٢٠١٤ کال وروسته په افغانستان کې په کم شمېر سرتېري پرېږدي ، خو که له افغان لوري سره امنيتي سند لاسليک شي.
که څه هم بارک اوباما د پرېښودونکو سرتېرو شمېر په ډاګه نه کړ، خو امريکايي سرچينو ويلي، چې دغه شمېر کېداى شي تر شاوخوا لسو زرو پورې وي.
اوباما زياته كړه، چې پاتې کېدونکي سرتېري به د افغان ملي ځواکونو روزنې او همکارۍ ته ادامه ورکړي او د دې ترڅنګ به د ترهګرۍ او د القاعدې د پاتې شونو پر ضد جګړه کې هم برخه اخلي.
نوموړي وويل، چې امريکا به له يوه متحده افغانستان سره همکاريو ته په داسې حال کې ادامه ورکوي، چې دوى د خپل راتلونکي مسووليتونه په خپله غاړه اخلي.
له ترهګرۍ سره د امريکا روانې مبارزې ته په اشارې سره اوباما وويل، چې امريکا اوس هم خوندي نه ده.
د هغه په وينا، د القاعدې ريښې له ځينو نورو ډلو سره يو ځاى شوې، هغوى اوس په يمن، صوماليه، عراق او مالي کې فعاليتونه کوي او امريکا به له خپلو متحدينو سره د دغو شبکو د له منځه وړو لپاره خپلو هلو ځلو ته ادامه ورکوي.
کلید ګروپ په ټویټر او فیسبوک کې وګورئ
