د سوريې د کېمياوي وسلو د زهري موادو دويمه جوپه هم له دغه جنګ ځپلي هېواد څخه وايستل شوه. د ملګرو ملتونو او “د کېمياوي وسلو د حفاظت سازمان” ګډ ماموريت وايي، دا مواد له لازقيه بندر څخه د ډنمارک او ناروې هېوادونو په کښتيو کې بار او انتقال
د سوريې د کېمياوي وسلو د زهري موادو دويمه جوپه هم له دغه جنګ ځپلي هېواد څخه وايستل شوه.
د ملګرو ملتونو او “د کېمياوي وسلو د حفاظت سازمان” ګډ ماموريت وايي، دا مواد له لازقيه بندر څخه د ډنمارک او ناروې هېوادونو په کښتيو کې بار او انتقال شول.
ګډ ماموريت په يوې اعلاميې کې ويلي، د چين، ډنمارک، ناروې او روسيې کښتيو په زهري موادو بار د دوو کښتيو بدرګه او ملتيا کوله.
د سوريې د کېمياوي زهري موادو لومړنۍ جوپه د جنورۍ په ۷مه له دې هېواد څخه انتقال شوې وه.
د ملګرو ملتونو د پرېکړه ليک له مخې، د سوريې د کېمياوي وسلو ټولې زېرمې بايد د روان کال د جون مياشتې تر دېرشمې پورې له منځه يوړل شي.
کلید ګروپ په ټویټر او فیسبوک کې وګورئ
