د فرانسې جمهوررئيس فرانسوا هولانډ د خپل ژوند له ملګرې واليري تريرويلير ( Valerie Trierweiler) څخه جلا شوى دى. هولانډ د شنبې په ورځ وويل، چې دا خبره د ټولنې د يو خصوصي فرد په توګه کوي.
د فرانسې جمهوررئيس فرانسوا هولانډ د خپل ژوند له ملګرې واليري تريرويلير ( Valerie Trierweiler) څخه جلا شوى دى.
هولانډ د شنبې په ورځ وويل، چې دا خبره د ټولنې د يو خصوصي فرد په توګه کوي.
د هولانډ د ژوند ملګرې او د فرانسې لومړۍ مېرمن واليري وروسته له هغې، چې تېره اونۍ د پاريس له روغتونه وتلې، بيا په عام محضر کې نه ده ليدل شوې.
وروسته له هغې، چې د فلمې لوبغاړې جوليا ګايت سره د فرانسې د جمهوررئيس د پټو اړيکو په اړه رپوټونه خپاره شول، واليري په ناڅاپي توګه روغتون کې بستر شوه.
اته څلوېښت کلنې خبريالې واليري تريرويلير له فرانسوا هولانډ سره واده نه و کړى، خو وروسته له هغې، چې هولانډ د ۲۰۱۲ کال د جمهوري رياست ټاكنې وگټلې، نوموړې د دې هېواد د جمهوررئيس د مېرمنې يا لومړۍ مېرمنې رول سنبال کړ.
کلید ګروپ په ټویټر او فیسبوک کې وګورئ
