د عراق د پايتخت بغداد په شمال تکريت ښار کې تېره ورځ ناوخته د “صلاح الدين” په نوم د يوه ټلوېزيون پر ودانۍ څلورو ځانمرګو بريد كوونكو بريد کړى او لږترلږه پنځه خبريالان يې وژلي دي.
د عراق د پايتخت بغداد په شمال تکريت ښار کې تېره ورځ ناوخته د “صلاح الدين” په نوم د يوه ټلوېزيون پر ودانۍ څلورو ځانمرګو بريد كوونكو بريد کړى او لږترلږه پنځه خبريالان يې وژلي دي.
امنيتي سرچينې وايي، په وژل شويو خبريالانو کې يو د ټلوېزيون د خبرونو د برخې مشر، بل اېډېټر، يو د خبرونو توليدوونکى، يو د ارشيف مدير او يو بل د خبرونو وړاندې کوونکى دى.
فرانس پرېس خبري اژانس د صلاح الدين ولايت د پوليسو په حواله ويلي، چې امنيتي ځواکونو د ټلوېزيون پر ودانۍ د بريد کوونکو د وژلو لپاره ځوابي بريد وکړ، دوه ځانمرګي بريد كوونكي يې ووژل، خو دوو نورو ځانونه والوځول.
عراق په وروستيو کلونو کې د خبريالانو د هدفي وژنو شاهد و او يوازې له تېر اکتوبر راهيسې په دې هېواد کې لږترلږه ۱۲ خبريالان وژل شوي دي.
کلید ګروپ په ټویټر او فیسبوک کې وګورئ
