پخوانى روسى پانګه وال ميخايل خدرکوفسکي د جمهوررئيس ولاديمير پوتين تر بښنې وروسته له زندانه خوشې شو. د نوموړي مدافع وکيل وويل، پوتين څه موده وړاندې د بشري اصولو پر بنسټ د خدرکوفسکي د بښنې په اړه فرمان لاسليک کړ.
پخوانى روسى پانګه وال ميخايل خدرکوفسکي د جمهوررئيس ولاديمير پوتين تر بښنې وروسته له زندانه خوشې شو.
د نوموړي مدافع وکيل وويل، پوتين څه موده وړاندې د بشري اصولو پر بنسټ د خدرکوفسکي د بښنې په اړه فرمان لاسليک کړ.
جمهوررئيس ولاديمير پوتين د پنجشنبې په ورځ وويل، چې د تېلو پخواني پانګه وال له دې كبله، چې مور يې ناروغه ده، له ده د بښنې غوښتنه کړې ده.
د نوموړي ناروغه مور په جرمني کې اوسېږي او د جرمني د بهرنيو چارو وزارت وايي، ميخايل خدرکوفسکي برلين ته رسېدلى دى.
خدر کوفسکي لس کاله په زندان کې و او د ماليې نه ورکولو او غلا په تور زنداني شوى و.
نوموړي سياسي مخالفو ګوندونو ته پيسې هم ورکولې او د جمهوررئيس پوتين منتقد و.
کلید ګروپ په ټویټر او فیسبوک کې وګورئ
