د امريکا د بهرنيو چارو وزارت د کابل او واشنګټن ترمنځ د امنيتي سند پر ژر لاسليکېدو ټينګار وكړ. د دې وزارت مرستيالې وياندې مري هرف پرون وويل، متحده ايالات غواړي، چې دا تړون بايد ژر تر ژره لاسليک شي.
د امريکا د بهرنيو چارو وزارت د کابل او واشنګټن ترمنځ د امنيتي سند پر ژر لاسليکېدو ټينګار وكړ.
د دې وزارت مرستيالې وياندې مري هرف پرون وويل، متحده ايالات غواړي، چې دا تړون بايد ژر تر ژره لاسليک شي.
د امريکا د بهرنيو چارو وزير جان كېري د يكشنبې په ورځ په لومړي ځل وويل، چې د کابل او واشنګټن ترمنځ امنيتي سند له ټاكنو وروسته د جهوررئيس کرزي پر ځای له راتلونکي جمهوررئيس سره هم لاسليکېدای شي.
خو مېرمن هرف وويل، په دې برخه کې د امريکا په دريځ کې بدلون نه دى راغلى او له جمهوررئيس حامد کرزي سره به په دې اړه، چې دا تړون څنګه ژر تر ژره لاسليك شي، بحثونه دوام وکړي.
کلید ګروپ په ټویټر او فیسبوک کې وګورئ
