د امريكا د دفاع وزير تېره ورځ په اسلام اباد كې د پاكستان له لومړي وزير نواز شريف سره وكتل. په پرونۍ كتنه كې دواړو مشرانو د امريکا د بې پېلوټه الوتکو پر بريدونو او د افغانستان په تړاو د اسلام اباد پر رول خبرې وکړې.
د امريكا د دفاع وزير تېره ورځ په اسلام اباد كې د پاكستان له لومړي وزير نواز شريف سره وكتل.
په پرونۍ كتنه كې دواړو مشرانو د امريکا د بې پېلوټه الوتکو پر بريدونو او د افغانستان په تړاو د اسلام اباد پر رول خبرې وکړې.
هيگل په اسلام اباد کې د پاکستان د پوځ له نوي لوى درستيز جنرال راحيل شريف سره هم وليدل.
د رسنيو د رپوټونو له مخې، د امريکا د دفاع وزير د پاکستان لومړي وزير نواز شريف ته ويلي دي، چې ګوندې پاكستان له خپل گاونډي هېواد افغانستان سره ډېر داسې څه لري، چې د دواړو گټې په کې خوندي دي.
پاکستاني چارواکو رسنيو ته ويلي، چې د امريکا د دفاع وزير له اسلام اباد سره د لا ډېرو پوځي مرستو يادونه کړې ده.
د هيگل دا سفر په داسې وخت کې کېږي، چې د ناټو لپاره د تورخم اکمالاتي لار د خيبر پښتونخوا ايالتي حکومت لخوا تړل شوې ده.
کلید ګروپ په ټویټر او فیسبوک کې وګورئ
