د امريكا د بهرنيو چارو وزير جان كيري وايي، د كابل او واشنګټن ترمنځ امنيتي سند له جمهوررئيس پرته د افغانستان د دفاع وزير يا كوم بل چارواكى هم لاسليكولى شي.
د امريكا د بهرنيو چارو وزير جان كيري وايي، د كابل او واشنګټن ترمنځ امنيتي سند له جمهوررئيس پرته د افغانستان د دفاع وزير يا كوم بل چارواكى هم لاسليكولى شي.
نوموړي دغه څرګندونې د بلجيم په پايتخت بروكسل كې خبريالانو ته وكړې.
بلخوا د ناټو عمومي منشي انډرس فوګ راسموسن هيله څرګنده کړه، چې د کابل او واشنګټن ترمنځ امنيتي سند په خپل وخت سره لاسليک شي.
راسموسن دغه څرګندونې د سه شنبې په ورځ د بلجيم په مرکز بروکسل کې د ناټو سازمان په مقر کې د دغه سازمان د بهرنيو چارو وزيرانو ددوه ورځنۍ غونډې د پيل پر مهال په يوه خبري غونډه کې وکړې.
د ناټو سرمنشي په ياده خبري غونډه کې د کابل او واشنګټن ترمنځ د امنيتي تړون په اړه د مشورتي لويې جرګې لخوا د تاييد او وړانديزونو هرکلى وکړ.
د هغه په وينا، دغه سازمان له افغان حکومت سره له نږدې کار کوي، څو تر ۲۰۱۴ کال وروسته په افغانستان کې د پاتې کېدونکو ناټو ځواکونو لپاره قانوني چوکاټ ترلاسه کړي.
کلید ګروپ په ټویټر او فیسبوک کې وګورئ
