ټاکل شوې ده، چې نن د بلجيم په پايتخت بروكسل کې د ناټو د بهرنيو چارو وزيرانو دوه ورځنۍ غونډه پيل شي او په کې د يو شمېر نورو موضوعاتو ترڅنګ د افغانستان پر حالاتو هم خبرې وشي.
ټاکل شوې ده، چې نن د بلجيم په پايتخت بروكسل کې د ناټو د بهرنيو چارو وزيرانو دوه ورځنۍ غونډه پيل شي او په کې د يو شمېر نورو موضوعاتو ترڅنګ د افغانستان پر حالاتو هم خبرې وشي.
د ناټو د بهرنيو چارو وزيرانو په غونډه کې د ناټو د ٢٨ غړو هېوادونو د بهرنيو چارو وزيرانو ترڅنګ د ايساف غړو هېوادونو استازي هم ګډون کوي.
په دې غونډه کې د افغانستان استازيتوب د بهرنيو چارو سرپرست وزير ضرار احمد مقبل او د کورنيو چارو وزير عمر داوودزى کوي.
د غونډې په لومړۍ ورځ د ناټو پر اړوندو موضوعاتو خبرې کېږي، په دويمه ورځ به سهار لومړى د ناټو او روسيې د ګډې شورا غونډه وي او وروسته به د ناټو او ايساف غړي هېوادونه د افغانستان په اړه خبرې وکړي.
په دې غونډه کې تر ٢٠١٤ کال وروسته د ناټو د نوي ماموريت، د افغان ملي ځواکونو د پرمختګ په اړه او په ٢٠١٤ کال کې په لندن کې ترسره کېدونکې د ناټو سرمشريزې پر اجنډا هم خبرې کېږي.
کلید ګروپ په ټویټر او فیسبوک کې وګورئ
