د سوريې پايتخت دمشق ته نژدې په يوه درنه چاودنه کې، چې د پوځ يوه ودانۍ يې په نښه کړه، د څلورو لوړ پوړو افسرانو په ګډون ۳۱ سرتيري وژل شوي دي.
د سوريې پايتخت دمشق ته نژدې په يوه درنه چاودنه کې، چې د پوځ يوه ودانۍ يې په نښه کړه، د څلورو لوړ پوړو افسرانو په ګډون ۳۱ سرتېري وژل شوي دي.
د رپوټونو له مخې، پرونۍ چاودنې د دمشق په شمال ختيځ کې په حرسته نومې سيمه کې د دولتي ځواکونو ټرانسپورټي اډه ړنګه کړه.
د سوريې د بشري حقونو د څار سازمان، چې مرکز يې په بريتانيا کې دى، وايي، چې په وژل شويو کې د پوځ درې جنرالان او يو تورن شامل دي.
د سوريې د بشري حقونو د څار د سازمان رئيس “رامي عبدالرحمن” وايي، ګومان کېږي، چې دا بم به په ودانۍ کې دننه ياهم تر ودانۍ لاندې تونل کې ايښودل شوى وي.
د سوريې حکومت تراوسه د دې بريد په اړه څه نه دي ويلي.
کلید ګروپ په ټویټر او فیسبوک کې وګورئ
