تاجکستان له افغانستانه د مخدره موادو د مخنيوي د هڅو په ترڅ کې له اروپايي هېوادونو يوه نوې غوښتنه کړې. دا هېواد چې له افغانستان سره اوږده پوله لري، د مخدره موادو په وړاندې د مبارزې لپاره يې له دې مخکې له نورو هېوادونو په تيره له روسيې څخه د
تاجکستان له افغانستانه د مخدره موادو د مخنيوي د هڅو په ترڅ کې له اروپايي هېوادونو يوه نوې غوښتنه کړې.
دا هېواد چې له افغانستان سره اوږده پوله لري، د مخدره موادو په وړاندې د مبارزې لپاره يې له دې مخکې له نورو هېوادونو په تيره له روسيې څخه د مرستې غوښتنه کړې ده.
تاجکستان له اروپايي اتحاديي وغوښتل چې؛ د افغانستان شاوخوا دې د مخدره موادو د قاچاق د مخنيوي لپاره يو امنيتي کمربند جوړ کړي.
د تاجکستان د مخدره موادو ضد اداره وايي چې؛ د دې ادارې مشر رستم نظروف دغه خبره پرون د ناټو د سياسي او ګډ شراکت کميټې ته وکړه.
د انترفاکس خبري اژانس د راپور له مخې تاجکستان په افغانستان کې د مخدره موادو د قاچاق پر منفي اغيزو پوره پوه دى.
د راپور له مخې نظروف ټينګار کړى چې؛ د مخدره موادو قاچاق د نړۍ له عمده فشار راوړونکو او عاجلو مسايلو څخه ده.
افغانستان له تاجکستان سره ۱۳۴۴ کېلومتره اوږده پوله لري.
کلید ګروپ په ټویټر او فیسبوک کې وګورئ
