د فلپين پر مرکزي سيمو د هايان تېز طوفان څپو تر سلو ډېر کسان وژلي دي. د تېز باد سرعت په يوه ساعت کې له ۲۳۵ تر ۲۷۵ کيلو مټرو پورې اټکل شوى دى.
د فلپين پر مرکزي سيمو د هايان تېز طوفان څپو تر سلو ډېر کسان وژلي دي.
د تېز باد سرعت په يوه ساعت کې له ۲۳۵ تر ۲۷۵ کيلو مټرو پورې اټکل شوى دى.
طوفان سلګونه ودانۍ ويجاړې کړي او اوس يې د اسيا جنوب ختيځو سيمو ته مخه کړې ده.
چارواکو ويلي، چې تر اوسه له ۱۲ ميليونه ډېر وګړي په خطر کې دي.
اټکل دى، چې تر يکشنبې ورځې پورې د دغه طوفان څپې ويتنام ته هم ورسېږي.
د باد له کبله نژدې ۷۵۰ زره کورنيو خپلې مېنې پرېښې دي.
فلپيني چارواکو ويلي، چې د مرستو او ژغورنې لپاره يې ۳۵ الوتكې فعالې كړې دي.
کلید ګروپ په ټویټر او فیسبوک کې وګورئ
