د هرات ولايت د ګذرې او پښتون زرغون ولسواليو تر منځ د ٤٥ کيلومتره سړک د پخولو چارې پيل شوې. د دغه ولايت د فوايد عامې رئيس انجنير حبيب الله تيموري وايي، چې په دغه سړک ٩ ميليونه امريکايي ډالر لګښت راځي او د فوايد عامې وزارت له پراختيايي
د هرات ولايت د ګذرې او پښتون زرغون ولسواليو تر منځ د ٤٥ کيلومتره سړک د پخولو چارې پيل شوې.
د دغه ولايت د فوايد عامې رئيس انجنير حبيب الله تيموري وايي، چې په دغه سړک ٩ ميليونه امريکايي ډالر لګښت راځي او د فوايد عامې وزارت له پراختيايي بوديجې ورکول کېږي.
نوموړي پژواک ته ويلي، چې د سړک کار يې يوه افغاني ودانيز شرکت ته سپارلى، چې په يوه کال کې به يې چارې بشپړې شي.
چارواکي وايي، د سيمې خلکو د سړک د امنيت ساتنې ژمنه ورکړې او د دې ترڅنګ شاوخوا ٢٥٠ ځوانانو ته په کې د کار زمينه برابره شوې ده.
د فوايد عامې رييس وايي، په پښتون زرغون سربېره د هرات- غوريانو، هرات – شينډنډ او چشت شريف ولسواليو د لارو پخولو چارې هم عملاً روانې دي.
کلید ګروپ په ټویټر او فیسبوک کې وګورئ
