د اسراييلو لومړي وزير د امريکا له جمهوررئيس بارك اوباما څخه پر ايران خپلو فشارونو ته د دوام وركولو غوښتنه كړې ده. بينيامين نتنياهو پرون په سپينه ماڼۍ کې له اوباما سره د کتنې پر مهال وويل، که ايران اټومي فعاليتونو ته دوام ورکړي، نو بايد بنديزونه هم پراخ شي.
د اسراييلو لومړي وزير د امريکا له جمهوررئيس بارك اوباما څخه پر ايران خپلو فشارونو ته د دوام وركولو غوښتنه كړې ده.
بينيامين نتنياهو پرون په سپينه ماڼۍ کې له اوباما سره د کتنې پر مهال وويل، که ايران اټومي فعاليتونو ته دوام ورکړي، نو بايد بنديزونه هم پراخ شي.
د امريکا جمهوررئيس ويلي، هېواد به يې له وخت نه مخکې پر ايران لګول شوي بنديزونه نرم نه کړي او په وينا يې، د ايران پر ضد د قوې استعمال هم د يو انتخاب په توګه په خپل ځاى دى.
اسراييل وروسته له هغې له امريکا څخه دا غوښتنه کړې، چې جمهوررئيس بارك اوباما او د هغه ايراني سيال حسن روحاني څو ورځې وړاندې د ايران د اټومي پروګرام په اړه ټيليفوني خبرې وكړې.
کلید ګروپ په ټویټر او فیسبوک کې وګورئ
