د ايران جمهوررئيس حسن روحاني د ملګرو ملتونو عمومي اسمبلۍ ته له خپلې وينا دمخه نړيوالې ټولنې ته دوه پيغامونه ورکړي دي، يو د خپل هېواد اټومي پروګرام په اړه خبرو ته لېوالتيا ده او دوهم د سياسي زندانيانو ازادول دي.
د ايران جمهوررئيس حسن روحاني د ملګرو ملتونو عمومي اسمبلۍ ته له خپلې وينا دمخه نړيوالې ټولنې ته دوه پيغامونه ورکړي دي، يو د خپل هېواد اټومي پروګرام په اړه خبرو ته لېوالتيا ده او دوهم د سياسي زندانيانو ازادول دي.
د ايران د عدليې وزارت وياند محسن هيجايي تېره ورځ وويل، حکومت اتيا سياسي زندانيان بښلي دي.
خوشې شوي هغه کسان دي، چې د ايران د ۲۰۰۹ميلادي کال د جمهوري رياست د ټاكنو اړوند لاريونونو په لړ کې نيول شوي وو.
تهران دا ګام په داسې وخت کې پورته کړ، چې د ايران جمهوررئيس حسن روحاني په نيويارک کې د ملګرو ملتونو په عمومي اسمبلۍ کې د ګډون لپاره متحده ايالاتو ته تللى دى.
کلید ګروپ په ټویټر او فیسبوک کې وګورئ
