ټاكل شوې، چې نن پاكستان د طالبانو بندي چارواكى ملا عبدالغني برادر خوشې كړي. د پاکستان د بهرنيو چارو وزارت ويلي، چې ملا برادر د افغانستان د سولې د پرمختګ په هدف خوشې کوي.
ټاكل شوې، چې نن پاكستان د طالبانو بندي چارواكى ملا عبدالغني برادر خوشې كړي.
د پاکستان د بهرنيو چارو وزارت ويلي، چې ملا برادر د افغانستان د سولې د پرمختګ په هدف خوشې کوي.
څو ورځې مخکې د پاکستان د ملي امنيت سلاکار سرتاج عزيز ويلي وو، چې ملابرادر خوشې کوي، خو افغانستان ته يې نه سپاري.
ملا عبدالغني برادر د ١٣٨٨ لمريز کال د سلواغې په مياشت کې د پاکستان په کراچۍ ښار کې نيول شوى و او اوس رپوټونه وايي، چې نوموړى له خوشې كېدو وروسته هم په كراچۍ واوسېږي.
افغان حکومت د ملاعبدالغني برادر د خوشې کولو لپاره د پاکستان د اعلان هرکلی كړى او وايي، چې دا اقدام به له ۱۲ کلونو وروسته په افغانستان کې د سولې له بهير سره مرسته وکړي.
کلید ګروپ په ټویټر او فیسبوک کې وګورئ
