د هند په ممبيي کې پوليس د “هندي مجاهدين” په نوم د ډلې په مشر افضل عثماني پسې ګرځي. نوموړى پرون د هند له يوې محکمې څخه په تېښتې بريالى شو.
د هند په ممبيي کې پوليس د “هندي مجاهدين” په نوم د ډلې په مشر افضل عثماني پسې ګرځي.
نوموړى پرون د هند له يوې محکمې څخه په تېښتې بريالى شو.
پوليس وايي، افضل عثماني په ممبيي کې د جمعې په ورځ له محکمې څخه، چې سخت امنيت يې نيول شوى و، وتښتېد.
د هغو په وينا، عثماني له نورو مشکوکو کسانو سره محکمې ته انتقال شوى و.
عثماني په ۲۰۰۸ کال کې په لويديځ ايالت ګجرات کې په يو لړ بمي چاودنو کې د لاس لرلو په تور نيول شوى و.
په دغو چاودنو کې شاوخوا پنځوس تنه وژل شوي وو.
کلید ګروپ په ټویټر او فیسبوک کې وګورئ
