.ممنون حسين پرون د پاكستان د نوي جمهور رئيس په توګه لوړه وكړه. ممنون حسين تر آصف علي زرداري ورسته، هغه مهال د جمهور رئيس په توګه واك ته ورسېد چې د روان كال د جولاى په مياشت كې يې له
.ممنون حسين پرون د پاكستان د نوي جمهور رئيس په توګه لوړه وكړه.
ممنون حسين تر آصف علي زرداري ورسته، هغه مهال د جمهور رئيس په توګه واك ته ورسېد چې د روان كال د جولاى په مياشت كې يې له پارلمانه ډېرې رايې خپلې كړې.
آصف علي زرداري به چې وړمه ورځ يې د کار موده پاي ته ورسېده، د پاکستان لومړني منتخب جمهور رئيس وي چې خپله د کار پنځه کلنه دوره يې بشپړه کړه.
زرداري په ۲۰۰۷ کال کې د خپلې مېرمنې بېنظير بوټو له ترور وروسته د قدرت په ډګر کې راڅرګند شو.
حسين چې د ټوکرو کاروبار کوي، د مسلم ليګ نواز ګوند پخوانى غړى او په ۱۹۹۹ کال د څو مياشتو لپاره د سند والي و، خو د ده په اړه ويل کېږي چې د شخصي قدرت بنسټ نلري او د سياست په ډګر کې کوم مخکښ شخصيت نه دي پاتې شوي.
کلید ګروپ په ټویټر او فیسبوک کې وګورئ
