د عراق په پايتخت بغداد کې پرون د سنيانو پر يوه مسجد د ناپېژانده وسله والو كسانو په بريد كې پنځه تنه وژل شوي دي. امنيتي چارواکي وايي، چې بريد كوونكي په دې سيمه کې، چې ډېرى اوسېدونكي يې شيعه ګان دي، د سهار د لمانځه په وخت جومات ته ورننوتل او پر
د عراق په پايتخت بغداد کې پرون د سنيانو پر يوه مسجد د ناپېژانده وسله والو كسانو په بريد كې پنځه تنه وژل شوي دي.
امنيتي چارواکي وايي، چې بريد كوونكي په دې سيمه کې، چې ډېرى اوسېدونكي يې شيعه ګان دي، د سهار د لمانځه په وخت جومات ته ورننوتل او پر خلکو يې ډزې وکړې.
بريد کوونکي د پېښې له ځايه تښتېدلي او هېڅ يوې ډلې د پېښې مسووليت نه دى منلى.
په عراق کې وروستيو پرله پسې بريدونو داسې وېره پيدا کړې، چې دا هېواد به يو ځل بيا د تېرو کلونو په څېر د اکثريت شيعه ګانو او اقليت سنيانو ترمنځ د فرقه يې تاوتريخوالي ښکار شي.
د روان کال له پيله د عراق په تاوتريخوالي كې (۳۸۰۰) تنه وژل شوي دي.
کلید ګروپ په ټویټر او فیسبوک کې وګورئ
