د امريکا مرستيال جمهوررئيس جوبايډن ويلي، له شک پرته سوريه کې کېمياوي وسلې د بشارالاسد د حکومت له لوري کارول شوې دي. نوموړي دا هم ويلي، چې دى او بارک اوباما په دې باور دي، چې د بې ګناه ښځو او ماشومانو پر وړاندې د دغه بريد ځواب بايد د بشارالاسد حکومت ووايي.
د امريکا مرستيال جمهوررئيس جوبايډن ويلي، له شک پرته سوريه کې کېمياوي وسلې د بشارالاسد د حکومت له لوري کارول شوې دي.
نوموړي دا هم ويلي، چې دى او بارک اوباما په دې باور دي، چې د بې ګناه ښځو او ماشومانو پر وړاندې د دغه بريد ځواب بايد د بشارالاسد حکومت ووايي.
وړاندې د سپينې ماڼۍ وياند جې کارني ويلي وو، چې “له شک پرته” د سوريې حکومت دمشق ته څېرمه د کېمياوي وسلو کارولو سبب شوى او په پراخ ډول يې دا ډول وسلې کارولې دي.
نوموړي ژمنه کړې، چې روانه اونۍ کې به د سوري حکومت له لوري د کېمياوي وسلو د کارولو د ادعاوو په اړه غير محرمانه مدرکونه په ډاګه شي.
همدارنګه تېره ورځ د امريکا دفاع وزير چک هيګل بي بي سي ته ويلي وو، که چېرې جمهوررئيس بارك اوباما پر سوريې بريد ته اجازه ورکړي، د امريکا پوځ دغه بريد ته پوره چمتووالى لري.
کلید ګروپ په ټویټر او فیسبوک کې وګورئ
