افغان، تركي او پاكستاني ځانګړو ځواكونو د تركيې په اسپارتا ولايت كې ګډ لس ورځني تمرينونه پيل كړي دي. د تركي رسنيو د خبر له مخې، دغه ګډ پوځي تمرينونه د اګست له ۱۹ مې پيل شوي او د همدې مياشتې تر ۲۸مې نېټې به دوام وكړي.
افغان، تركي او پاكستاني ځانګړو ځواكونو د تركيې په اسپارتا ولايت كې ګډ لس ورځني تمرينونه پيل كړي دي.
د تركي رسنيو د خبر له مخې، دغه ګډ پوځي تمرينونه د اګست له ۱۹ مې پيل شوي او د همدې مياشتې تر ۲۸مې نېټې به دوام وكړي.
د تركيې د لوى درستيز له دفتره په خپره شوې خبرپاڼه كې راغلي دي، چې دغه تمرينونه د درې واړو هېوادونو د ځانګړو ځواكونو تر منځ د همكارۍ د روحيې د پياوړتيا او تجربو د شريكولو په هدف په لاره اچول شوي دي.
د افغان او پاكستاني ځواكونو د ګډو تمرينونو خبره تر دې وړاندې هم شوې وه او ټاكل شوې وه، چې د روان كال په وري مياشت كې د افغان ځواكونو يوه يوولس كسيزه ډله د پوځي تمرينونو لپاره پاكستان ته لاړه شي، خو د پاكستاني ځواكونو له خوا پر افغان خاوره د توغندويي بريدونو په غبرګون كې پاكستان ته د افغان ځواكونو سفر وځنډول شو.
کلید ګروپ په ټویټر او فیسبوک کې وګورئ
