په ايران کې پرون ملا حسن روحاني د جمهوررئيس په توگه د محمود احمدي نژاد پر ځاى خپل کار پيل کړ. د روحاني دنده د ايران مذهبي مشر په پايتخت تهران کې د يو لړ مراسمو په ترڅ کې تاييد کړه.
په ايران کې پرون ملا حسن روحاني د جمهوررئيس په توگه د محمود احمدي نژاد پر ځاى خپل کار پيل کړ.
د روحاني دنده د ايران مذهبي مشر په پايتخت تهران کې د يو لړ مراسمو په ترڅ کې تاييد کړه.
دى به د لُوړې رسمي مراسم نن د ايران په پارلمان کې پر ځاى کړي.
روحاني په جون کې د جمهوري رياست ټاکنې په دې ژمنو گټلې وې، چې اصلاحات به راولي او د ايران نړيوال گوښى والى به پاى ته رسوي.
٦٤ کلن روحاني له نړيوالې ټولنې سره په اټومي خبرو کې د ايران استازى او د ١٩٧٩ کال تر انقلاب دمخه اسلامپالى مبارز و.
د واک تر رسمي نيولو يوه ورځ مخکې روحاني وويل، چې د اسراييلو اشغال پر اسلامي ملت يو زوړ ټپ دى.
ايران د ١٩٧٩ کال تر انقلاب راهيسې تل د اسراييلو د شتوالي حق رد کړى دى.
کلید ګروپ په ټویټر او فیسبوک کې وګورئ
