د فلسطين او اسراييلو د سولې مرکچيانو واشنګټن کې تر درې کلن ځنډ وروسته د سولې مخامخ خبرې پيل کړې دي. د امريکا د بهرنيو چارو وزير جان کېري د دواړو غاړو مرکچيان د دوشنبې په ورځ روژه ماتي ته وربللي وو.
د فلسطين او اسراييلو د سولې مرکچيانو واشنګټن کې تر درې کلن ځنډ وروسته د سولې مخامخ خبرې پيل کړې دي.
د امريکا د بهرنيو چارو وزير جان کېري د دواړو غاړو مرکچيان د دوشنبې په ورځ روژه ماتي ته وربللي وو.
د اسراييلو له لورې د سولې مخامخ خبرو كې د عدليې وزيره زيپي ليوني او د فلسطيني ادارې ستر مرکچي صائب عرقيات شامل دي.
د دوى خبرې به نن هم دوام ومومي.
د امريكا جمهوررئيس بارک اوباما د دغو خبرو د پيلېدو هرکلى وکړ، خو په همدې مهال يې خبردارى ورکړى، چې “لاهم د سولې مخ کې خنډونه شته”.
نوموړى زياتوي، خوشبين دى، چې اسراييلو او فلسطينيانو به دا خبرې په ښه نيت پيل کړې وي.
د اوباما دا څرګندونې وروسته تر هغه راغلې، چې د بهرنيو چارو امريکايي وزير جان کېري د منځني ختيځ د سولې خبرو لپاره د امريکا نوى ځانګړى استازى وټاکل شو.
نوموړي ته د فلسطيني او اسراييلي مرکچيانو د مخامخ خبرو دنده سپارل شوې ده.
کلید ګروپ په ټویټر او فیسبوک کې وګورئ
