د پاکستان په بلوچستان کې د افغانستان د کونسلګرۍ يو ډيپلومات له تېرو پنځو ورځو راهيسې لادرکه شوى دى. پاکستانيو رسنيو پرون خبر ورکړى، چې دغه افغان ډيپلومات محمد هاشم نوميږي او د کويټې ښار د افغان کونسلګرۍ د پاسپورټ په څانګه کې دنده ترسره
د پاکستان په بلوچستان کې د افغانستان د کونسلګرۍ يو ډيپلومات له تېرو پنځو ورځو راهيسې لادرکه شوى دى.
پاکستانيو رسنيو پرون خبر ورکړى، چې دغه افغان ډيپلومات محمد هاشم نوميږي او د کويټې ښار د افغان کونسلګرۍ د پاسپورټ په څانګه کې دنده ترسره کوي.
د هاشم زوى صديق الله ويلي، چې پلار يې د زمري له دويمې نېټې راهيسې د کويټې ښار له سټلايټ ټاون سيمې څخه لادرکه شوى دى.
په کويټه کې د افغانستان کونسل جنرال غلام محمد بهادر هم د هاشم د لادرکه کېدو خبر تاييد کړى او زياته کړې يې ده، چې له ځايي چارواکو سره يې په دې اړه اړيکې نيولي دي.
د يادونې وړ ده، چې تېره مياشت په اسلام اباد کې د افغانستان د سفارت يو ډيپلومات په يوه وسلوال بريد کې ټپي شوى و.
کلید ګروپ په ټویټر او فیسبوک کې وګورئ
