د پاکستان لومړي وزير نوازشريف پرون په اسلام اباد کې د بهرنيو چارو وزارت ته لاړ، چې افغانستان ته د دغه هېواد د ملي امنيت او د بهرنيو اړيکو د سلاکار سرتاج عزيز تر سفر مخکې د پاکستان د بهرني سياست په اړه خپل نظر څرګند کړي.
د پاکستان لومړي وزير نوازشريف پرون په اسلام اباد کې د بهرنيو چارو وزارت ته لاړ، چې افغانستان ته د دغه هېواد د ملي امنيت او د بهرنيو اړيکو د سلاکار سرتاج عزيز تر سفر مخکې د پاکستان د بهرني سياست په اړه خپل نظر څرګند کړي.
ټاکل شوې ده، چې سرتاج عزيز نن کابل ته په يو ورځني سفر راشي.
نواز شريف د پاکستان د بهرنيو چارو وزارت چارواکو ته وويل، کله چې د افغانستان خبره کېږي، نو پاکستان له کومې ځانګړې ډلې سره اړيکې نه لري او کله چې په سيمه کې د سولې مسئله مطرح وي، پاکستان تيار دى، چې له هرې ډلې سره خبرې وکړي، خو په وينا يې، پاکستان د متحد افغانستان ملاتړ کوي.
په غونډه کې نواز شريف اعلان وکړ، چې سرتاج عزيز افغان چارواکو ته د پاکستان د څرګند پيغام د رسولو لپاره کابل ته لېږي.
کلید ګروپ په ټویټر او فیسبوک کې وګورئ
