د پاکستان په لاهور کې په يوه بمي چاودنه کې ۴۲ تنو ته مرګ ژوبله واوښته. د رپوټونو له مخې، دغه بمي چاودنه په لاهورکې تېره شپه له لرې د ريموټ کنټرول بم په وسيله ، چې ۵۰۰ کيلو ګرامه وزن يې درلود، ترسره شوې، چې په
د پاکستان په لاهور کې په يوه بمي چاودنه کې ۴۲ تنو ته مرګ ژوبله واوښته.
د رپوټونو له مخې، دغه بمي چاودنه په لاهورکې تېره شپه له لرې د ريموټ کنټرول بم په وسيله ، چې ۵۰۰ کيلو ګرامه وزن يې درلود، ترسره شوې، چې په پايله کې يې ۳ تنه وژل شوي او لږ تر لږه ۳۹ نور ټپيان دي.
روغتيايي سرچينې وايي، چې په ټپيانو کې د پنځو تنو روغتيايي حالت د اندېښنې وړ دى.
تراوسه کومې ډلې د دې چاودنې پړه پر غاړه نه ده اخيستې.
بلخوا پاکستاني چارواکي وايي، تېره ورځ د دې هېواد په ختيځ کې په موټر سايکل پورې له تړلې ريکشې سره د يو اورګاډي د ټکر په پېښه کې لږ تر لږه څوارلس تنه وژل شوي دي .
دغه چټک اورګاډى له کراچۍ څخه لاهور ته روان وو، چې د اورګاډي په پټلۍ پر يو اوښتي سړک له يوې ريکشې سره ټکر شو .
ويل كېږي، ريکشې هڅه کوله پر پټلۍ د اوښتي سړک پر ځاى په پټلۍ واوړي .
کلید ګروپ په ټویټر او فیسبوک کې وګورئ
