اندونېزيايي چارواکي وايي، نن د دې هېواد اچې ايالت زلزلې لړزولى، چې په ترڅ کې يې لږ ترلږه ۲۲ تنه وژل شوي او ۲۱۷ تنه نور ټپيان دي. دې زلزلې په زرګونه کورونه او ودانۍ يا نړولي او يا يې هم زيانمنې کړي دي.
اندونېزيايي چارواکي وايي، نن د دې هېواد اچې ايالت زلزلې لړزولى، چې په ترڅ کې يې لږ ترلږه ۲۲ تنه وژل شوي او ۲۱۷ تنه نور ټپيان دي.
دې زلزلې په زرګونه کورونه او ودانۍ يا نړولي او يا يې هم زيانمنې کړي دي.
دغه راز د ځمکې او لويو ډبرو د ښووييدنې له كبله سړکونه بند شوي دي.
د ژغورنې کارکوونکي هڅه کوي هغه سيمو ته ځانونه ورسوي چې د دې زلزلې له امله ډېرې زيانمنې شوي دي.
په ۲۰۰۴ کال کې په همدې سيمه کې د سونامې په پايله کې له له يو سل او اويا زره زياتو کسانو خپل ژوند له لاسه ورکړ.
د سږ کال په پيل کې د اندونيزيا په پلازمېنه جکارتا کې د سختو مونسوني اورښتونو له امله پراخو سېلاوونو د پلازمېنې والي اړ كړ چې بېړني حالت اعلان کړي.
د سيلاب له کبله د ښار په ځينو برخو کې دوه متره اوبه ولاړې وې.
کلید ګروپ په ټویټر او فیسبوک کې وګورئ
