په داسې حال کې، چې په مصر کې د واکمن جمهور رئيس محمد مرسي د پلويانو او مخالفينو لاريونونه روان دي، محمد مرسي له خپلې کورنۍ سره د جمهوري رياست له ماڼۍ څخه نامعلوم لور ته وتلى دى.
په داسې حال کې، چې په مصر کې د واکمن جمهور رئيس محمد مرسي د پلويانو او مخالفينو لاريونونه روان دي، محمد مرسي له خپلې کورنۍ سره د جمهوري رياست له ماڼۍ څخه نامعلوم لور ته وتلى دى.
د فرانسې خبري اژانس د راپور له مخې، پرون د مرسي پلويانو او مخالفينو په يو وخت اعتراضيه لاريونونه ترسره کړل.
په مصر کې د جمهور رئيس مرسي د پلويانو او د هغه د مخالفينو ترمنځ په شخړو کې د يوه امريكايي وګړي په ګډون څلور تنه وژل شوي او لسګونه نور ټپيان دي.
د مرسي مخالفين له واک څخه د نوموړي د ګوښه کېدو نارې وهي او ډېر ژر د ټاکنو د ترسره کېدو غوښتنه کوي.
په قاهره کې د امريکا سفارت اعلان کړی، چې دغه سفارت به تر راتلونکې يکشنبې او دوشنبې ورځې پورې تړلی وي.
کلید ګروپ په ټویټر او فیسبوک کې وګورئ
