د امریکا د متحدو ایالتونو د څارنې یوې ادارې د دې هېواد د دفاع پر وزارت، د افغانستان ملي اردو ته د روسي هليکوپټرو د اخیستلو له کبله انتقاد کړی دی. د افغانستان د بیارغونې لپاره د امریکا د ځانګړي مفتش دفتر په یو وروستي راپور کې ویلي دي چې؛ په افغانستان کې د ځانګړي ماموریت څانګه کافي
د امریکا د متحدو ایالتونو د څارنې یوې ادارې د دې هېواد د دفاع پر وزارت، د افغانستان ملي اردو ته د روسي هليکوپټرو د اخیستلو له کبله انتقاد کړی دی.
د افغانستان د بیارغونې لپاره د امریکا د ځانګړي مفتش دفتر په یو وروستي راپور کې ویلي دي چې؛ په افغانستان کې د ځانګړي ماموریت څانګه کافي کسان او متحصصان نه لري چې؛ دا هليکوپټرې په کار واچوي او ترمیم یې کړي.
د دې راپور په وینا، ویل کیدای شي چې؛ بیا هم امریکايي ډالر ضایع شوي دي.
په دې راپور کې وړاندیز شوی دی چې؛ د دې هليکوپټرو اخیستل دې تر هغې وځنډول شي څو افغان ځواکونه له دې څخه د کار اخیستو وړتیا پیدا کړي.
د جون پر اولسمه نیټه د امریکا د دفاع وزارت اعلان وکړ چې؛ مې اولس ډوله دیرش هليکوپټرې یې د پنځه سوه څلور پنځوس میلیونو ډالرو په ارزښت اخیستي دي.
پنټاګون همدارنګه غواړي چې؛ له یو امریکايي شرکت څخه هم د ۲۱۸ میلیونو ډالرو په ارزښت اتلس هلیکوپټرې واخلي .
کلید ګروپ په ټویټر او فیسبوک کې وګورئ
