د پاکستان په کراچۍ او بنو ښارونو کې د بمي چاودنو له کبله ۱۱ تنه وژل شوي او يو شمېر نور ټپيان دي. لومړۍ چاودنه نن سهار د کراچۍ ښار برنس روډ سيمه کې د ايالتي سترې محکمې دروازې ته څېرمه وشوه.
د پاکستان په کراچۍ او بنو ښارونو کې د بمي چاودنو له کبله ۱۱ تنه وژل شوي او يو شمېر نور ټپيان دي.
لومړۍ چاودنه نن سهار د کراچۍ ښار برنس روډ سيمه کې د ايالتي سترې محکمې دروازې ته څېرمه وشوه.
په دغې چاودنه کې اووه تنه وژل شوي، چې شپږ يې پوليس دي او د امنيتي ځواکونو په ګډون شاوخوا ۱۵ تنه ټپيان شوي دي.
د ځايي پوليسو په وينا، چاودنه هغه مهال وشوه، چې د سند د سترې محکمې د مشر قاضي مقبول باقر د موټرو كاروان له دغه ځايه د تېرېدو په حال کې و.
د پوليسو په وينا، د بريد هدف مشر قاضي مقبول باقر و، چې له كبله يې سخت ټپي شوى دى.
بلخوا د خيبر پښتونخوا ايالت په بنو ښار كې د امن کمېټې د مشر ملک حاکم خان پر موټر د ماين چاودنه شوې، چې له كبله يې ملک حاکم خان، د هغه يو زوى او وراره وژل شوي دي.
کلید ګروپ په ټویټر او فیسبوک کې وګورئ
