د افغانستان او پاكستان لپاره د امريکا ځانګړي استازي جېمز ډوبېنز د پاکستان د پوځ له مشر او لومړي وزير سره د افغانستان د سولې پروسې او د قطر د دفتر په اړه خبرې وکړې.
د افغانستان او پاكستان لپاره د امريکا ځانګړي استازي جېمز ډوبېنز د پاکستان د پوځ له مشر او لومړي وزير سره د افغانستان د سولې پروسې او د قطر د دفتر په اړه خبرې وکړې.
د پاکستان د دولتي اژانس (آي پي پي ) د راپور له مخې، جېمز ډوبېنز پرون له غرمې وروسته لومړي وزير نواز شريف سره په داسې حال کې وليدل، چې د پوځ مشر جنرال اشفاق کياني هم شتون درلود.
سرچينې زياته کړې، چې ددې ليدنې پر مهال د امريکا ځانګړي استازي پاکستانيو چارواکو ته د افغانستان د سولې د پروسې په اړه د وروستيو پرمختګونو او د طالبانو د قطر ددفتر په اړه معلومات ورکړل.
د راپور له مخې، د پاکستان لومړي وزير نواز شريف ددې ليدنې پر مهال يو ځل بيا په ډاګه کړه، چې د افغانستان سوله او ثبات د پاکستان په ګټه دي او پاکستان د افغانستان د سولې له پروسې ملاتړ کوي.
نوموړي په ټينګار سره ويلي، چې په سيمه کې د ثبات لپاره بايد امريکا او پاکستان ګډ کار وکړي.
تر دې ليدنې وروسته نواز شريف جمهوررئيس حامد کرزي سره ټيليفوني خبرې كړي او هغه ته يې د اسلام اباد د سفر بلنه ورکړې ده.
کلید ګروپ په ټویټر او فیسبوک کې وګورئ
