تېره ورځ د پکتیکا ولایت د ځايي چارواکو له لورې په دې ولایت کې د کرنې انستیتیوت لپاره د ودانۍ جوړلو کار پیل شو. د پکتیکا والي محب الله صمیم کلید ته وویل، چې دغه وداني د پوهنې وزارت له انکشافي بودیجې څخه په اتلس ميلیونه افغانیو لګښت جوړېږي، چې په دوو
تېره ورځ د پکتیکا ولایت د ځايي چارواکو له لورې په دې ولایت کې د کرنې انستیتیوت لپاره د ودانۍ جوړلو کار پیل شو.
د پکتیکا والي محب الله صمیم کلید ته وویل، چې دغه وداني د پوهنې وزارت له انکشافي بودیجې څخه په اتلس ميلیونه افغانیو لګښت جوړېږي، چې په دوو پوړونو کې به وي.
د نوموړي په وینا، په دې سره به د دې انستیتیوت د محصلینو زیاتې ستونزې هوارې شي او ترڅنګ یې له جوړونکي شرکت څخه هم د ښه کار کولو غوښتنه وکړه.
د پکتیکا د پوهنې رئیس کوچي ځاځي وویل، دغه ودانۍ په دوو پوړونو کې جوړېږي، چې ۱۶ درسي خونې به ولري او شل جریبه ځمکه یې ورته بېله کړي ده.
د نوموړي په وینا، دغه وداني به په یوه وخت کې د نېږدې اوه سوه محصلینو د ځاييدو وړتیا ولري.
د پکتیکا د ځايي چارواکو په وینا دوی په پلان کې لري، چې په دې ولایت کې په روان کال کې ۴۶ ښوونځیو لپاره هم د اړوند وزارت له پراختیايي بودیجې څخه ودانۍ جوړې کړي.
کلید ګروپ په ټویټر او فیسبوک کې وګورئ
