د امريکا د بهرنيو چارو وزير په افغانستان کې د هند لپاره د زياتې ونډې غوښتنه وکړه. جان کري چې دا مهال د يوه درې ورځيني سفر په موخه له هندي چارواكو سره پر ځينو مسائلو د خبرو په هدف نوي ډيلي ته رسېدلى ويلي، چې په ۲۰۱۴
د امريکا د بهرنيو چارو وزير په افغانستان کې د هند لپاره د زياتې ونډې غوښتنه وکړه.
جان کري چې دا مهال د يوه درې ورځيني سفر په موخه له هندي چارواكو سره پر ځينو مسائلو د خبرو په هدف نوي ډيلي ته رسېدلى ويلي، چې په ۲۰۱۴ کال کې د نړيوالو ځواکونو تر وتلو وروسته په افغانستان کې د طالبانو بيا واک ته رسېدل ورته په هېڅ صورت د زغملو وړ نه دى او له هنده يې په ټينګه په افغانستان کې د ونډې د زياتېدو غوښتنه وکړه.
هغه وايي، چې هند په افغانستان کې د راروان کال د آزادو او عادلانه انتخاباتو په يقيني کولو او د ستونزو په حل کې مهم رول لوبولاي شي: “د نړۍ دا لويه ډيموكراسي د افغانستان له حكومت سره د ټاكنو د سيسټم په وده او د شخړو د هواري لپاره يې د يوه ډاډمن او خپلواك چوكاټ په رامنځته كولو كې مرسته كولى شي”
دا په داسې حال كې ده چې هند تر دې دمخه تېره اونۍ په قطر كې د طالبانو د دفتر د پرانيستل كېدو له بڼې سره خپل مخالفت څرګند كړ.
هند ټينګار كوي، چې له طالبانو سره د سولې خبرې بايد د افغان دولت په مشرۍ ترسره شي.
کلید ګروپ په ټویټر او فیسبوک کې وګورئ
