تمه ده چې نن د امريکا د بهرنيو چارو وزير جان کري د قطر پلازمينې دوحې ته ورسيږي. د اسوشيېټډ پرېس د معلوماتو له مخې كري به له قطري چارواكو سره د سوريې پر مسئلې بحث وكړي خو په دې هېواد كه به د طالبانو له له استازو سره
تمه ده چې نن د امريکا د بهرنيو چارو وزير جان کري د قطر پلازمينې دوحې ته ورسيږي.
د اسوشيېټډ پرېس د معلوماتو له مخې كري به له قطري چارواكو سره د سوريې پر مسئلې بحث وكړي خو په دې هېواد كه به د طالبانو له له استازو سره خبرې نه كوي.
كله چې په قطر كې طالبانو خپل سياسي دفتر پرانيست نو خپل بيرغ يې اوچت او د افغانستان اسلامي امارت په نوم يې خپله لوحه وځړوله چې دې چارې بيا د افغان چارواكو غوسه راوپاروله او په غبرګون كې يې له امريكا او طالبانو سره خبرې وځنډولې، خو امريكا افغان حكومت ته د طالبانو د بيرغ اولوحې د راكته كولو ډاډ وركړ.
بلخوا طالبانو هم ويلي چې د لوحې او بيرغ د راكته كولو له كبله به د سولې د خبرو اترو او مذاكراتو په اړه له سره كتنه كوي.
سرچينې د كري له قوله ويلي، چې د ډوبنز په مشرۍ به د امريكايي مركچيانو يوه ډله ډېر ژر په دوحه كې له طالب استازو سره وګوري.
خو دا چې د امريکا د استازو او طالبانو تر خبرو وروسته به افغان چارواکي د طالبانو له استازو سره خبرې وکړي لا نه ده څرګنده.
کلید ګروپ په ټویټر او فیسبوک کې وګورئ
