د ايران د انتخاباتو د يوې برخې له نتيجو ښکاري چې منځلارى مذهبي مشر حسن روحاني مخکې دى. د جمعې د ورځې د انتخاباتو تر څلورمې برخې لږې رايې تر اوسه شمېرل شوي دي. د ايران د کورنيو چارو د وازرت په وينا؛ روحاني تر اوسه نهه څلويښت
د ايران د انتخاباتو د يوې برخې له نتيجو ښکاري چې منځلارى مذهبي مشر حسن روحاني مخکې دى.
د جمعې د ورځې د انتخاباتو تر څلورمې برخې لږې رايې تر اوسه شمېرل شوي دي. د ايران د کورنيو چارو د وازرت په وينا؛ روحاني تر اوسه نهه څلويښت اعشاريه اووه اتيا فيصده رايې خپلې کړې دي.
په ده پسې د تهران د ښاروال “باقر قاليباف” رايې ډيرې دي؛ چې شاوخوا پنځلس فيصدو ته رسيږي.
که چېرته يو کانديد هم اکثريت رايې خپلې نه کړي، نو راتلونکې اونۍ به د جون په يو ويشتمه له سره انتخابات وشي.
چارواکي په انتخاباتو کې د رايې ورکوونکو فيصدي تر اويا په سلو کې زياته ګڼي.
نژدې پنځوس ميليونه کسانو د رايې ورکولو حق درلود؛ څو د شپږو کانديدانو په منځ کې يو انتخاب کړي.
کلید ګروپ په ټویټر او فیسبوک کې وګورئ
