د بلوچستان په ايتلافي حکومت کې د شاملو ګوندونو د مشرانو غونډه د يکشنبې په ورځ را بلل شوې وه، چې په نتيجه کې يې د بلوڅو د ملتپال نېشنل ګوند مشر ډاکټر عبدالمالک بلوڅ د بلوچستان د نوي اعلى وزير په توګه ونومول شو.
د بلوچستان په ايتلافي حکومت کې د شاملو ګوندونو د مشرانو غونډه د يکشنبې په ورځ را بلل شوې وه، چې په نتيجه کې يې د بلوڅو د ملتپال نېشنل ګوند مشر ډاکټر عبدالمالک بلوڅ د بلوچستان د نوي اعلى وزير په توګه ونومول شو.
ډاکټر مالک بلوڅ ويلي، چې په بلوچستان کې به ورک بلوڅان پيدا کوي او له مرورو وسله والو بلوڅو سره به د مرکزي حکومت په خوښه خبرې کوي.
د يکشنبې په ورځ اسلام اباد ته نژدې په مري سيمه کې د پاکستان د مسلم ليګ نواز ګوند، د پښتونخوا ملي عوامي ګوند او د بلوچستان د ملتپال نېشنل ګوند د مشرانو يوه ځانګړې غونډه را بلل شوې وه، چې پکې د بلوچستان د نوي اعلى وزير او والي په اړه خبرې وشوې.
د غونډې په پاى کې خبري کنفرانس ته د مسلم ليګ نواز ګوند مشر او د پاکستان راتلونکي لومړي وزير نواز شريف وويل، چې د بلوچستان د خلکو پر ټپونو د مرهم ايښودلو په هدف يې د ملتپال ګوند مشر د ايالت د اعلى وزير په توګه وټاکه.
کلید ګروپ په ټویټر او فیسبوک کې وګورئ
