د پاکستان په خيبر پښتونخوا ايالت کې تېره ورځ د پوليسو د ګزمې پر موټر د سړک غاړې بمي چاودنې لږ تر لږه پنځه پوليس افسران وژلي دي.
ځايي پوليسو ويلي دي، چې دا بريد د شانګله په غرنۍ سيمې کې د پوليسو د عادي ګزمې پر مهال شوى دى.
دا سيمه د پېښور په شمال ختيځ کې دوه سوه دېرش کيلومټره لرې پرته ده.
د رپوټونو له مخې، په چاودنه کې په وژل شويو کسانو کې يو لوړ پوړى پوليس چارواکى هم شامل دى.
تر اوسه كومې ډلې د دې بريد مسووليت نه دى منلى.
کلید ګروپ په ټویټر او فیسبوک کې وګورئ
