ټاکل شوې؛ چې د امريکا د متحدو ايالاتو او روسيې د بهرنيو چارو وزيران سبا ته په پاريس کې سره وګوري. دواړه لوري پردې خبرې کوي؛ چې څنګه د سوريې جمهور رئيس بشارالاسد او د هغه مخالفين د جينوا په نړېوال کنفرانس کې سره مخامخ کولاي شي.
ټاکل شوې؛ چې د امريکا د متحدو ايالاتو او روسيې د بهرنيو چارو وزيران سبا ته په پاريس کې سره وګوري.
دواړه لوري پردې خبرې کوي؛ چې څنګه د سوريې جمهور رئيس بشارالاسد او د هغه مخالفين د جينوا په نړېوال کنفرانس کې سره مخامخ کولاي شي.
رپوټونه وايي؛ چې د قصير ښار د سوريې پوځي ځواکونو محاصره کړى او د عملياتو مشري د حزب الله وسله وال کوي.
ټاکل شوې؛ چې راتلونکې مياشت په سوريه کې د روان بحران د سياسي حل موندلو لپاره نړيوال کنفرانس جوړ شي.
د سوريې پوځ يوه اونۍ مخکې د دې ښار د بيرته نيولو لپاره عمليات پيل کړل. قصير د حمص او د لبنان د سرحد ترمنځ پروت دي چې درژيم د مخالفينو لپاره د اکمالاتو له پلوه هم مهم ګڼل کيږي.
د مخالف ايتلاف عمده غړو رويټرز ته ويلي چې ښايي د جنيوا په کنفرانس کې برخه واخلي خو ګومان نه کوي چې په بيړني ډول د بشارالاسد د له واکه لرې کيدو پريکړه وشي، هغه څه چې د دوي اساسي غوښتنه ده.
کلید ګروپ په ټویټر او فیسبوک کې وګورئ
